महाभारतम्-07-द्रोणपर्व-043

From HinduismPedia
Jump to navigation Jump to search

Template:महाभारतम्/द्रोणपर्व

जयद्रथेन रुद्रवरात् व्यूहपथं पिधाय पाण्डवादिनिरोधः।। 1 ।।

सञ्जय उवाच। 5-43-1x
यन्मां पृच्छसि राजेन्द्र सिन्धुराजस्य विक्रमम्।
शृणु तत्सर्वमाख्यास्ये यथा पाण्डूनयोधयत्।।
5-43-1a
5-43-1b
तमूहुर्वाजिनो वश्याः सैन्धवाः साधुवाहिनः।
विकुर्वाणा बृहन्तोऽश्वाः श्वसनोपरंहसः।।
5-43-2a
5-43-2b
गन्धर्वनगराकारं विधिवत्कल्पितं रथम्।
तस्याभ्यशोभयत्केतुर्वाराहो राजतो महान्।।
5-43-3a
5-43-3b
श्वेतश्चत्रपताकाभिश्चामरव्यजनेन च।
स बभौ राजलिङ्गैस्तैस्तारापतिरिवाम्बरे।।
5-43-4a
5-43-4b
मुक्तावज्रमणिस्वर्णैर्भूषितं तदयस्मयम्।
वरूथं विबभौ तस्य ज्योतिर्भिः खमिवावृतम्।।
5-43-5a
5-43-5b
स विष्फार्य महच्चापं किरन्निषुगणान्बहून।
तत्कण्डं पूरयामास यदार्जुनिरदारयत्।।
5-43-6a
5-43-6b
स सात्यकिं त्रिभिर्बाणैरष्टभिश्च वृकोदरम्।
धृष्टद्युम्नं तथा षष्ट्या विराटं दशभिः शरैः।।
5-43-7a
5-43-7b
द्रुपदं पञ्चभिस्तीक्ष्णैः सप्तभिश्च शिखण्डिनम्।
केकयान्पञ्चविंशत्या द्रौपदेयांस्त्रिभिस्त्रिभिः।।
5-43-8a
5-43-8b
युधिष्ठिरं तु सप्तत्या ततः शेषानपानुदत्।
इषुजालेन महता तदद्भुतमिवाभवत्।।
5-43-9a
5-43-9b
अथास्य शितपीतेन भल्लेनादिश्य कार्मुकम्।
चिच्छेद प्रहसन्राजा धर्मपुत्रः प्रतापवान्।।
5-43-10a
5-43-10b
अक्ष्णोर्निमेषमात्रेण सोऽन्यदादाय कार्मुकम्।
विव्याध दशभिः पार्थं तांश्चैवान्यांस्त्रिभिस्त्रिभिः।।
5-43-11a
5-43-11b
तत्तस्य लाघवं ज्ञात्वा भीमो भल्लैस्त्रिभिस्त्रिभिः।
धनुर्ध्वजं च च्छत्रं च क्षितौ क्षिप्रमपातयत्।।
5-43-12a
5-43-12b
सोऽन्यदादाय बलवान्सज्जं कृत्वा च कार्मुकम्।
भीमस्यापातयत्केतुं धनुरश्वांश्च मारिष।।
5-43-13a
5-43-13b
स हताश्वादवप्लुत्य च्छिन्नधन्वा रथोत्तमात्।
सोत्यकेराप्लुतो यानं गिर्यग्रमिव केसरी।।
5-43-14a
5-43-14b
ततस्त्वदीयाः संहृष्टाः साधुसाध्विति वादिनः।
सिन्धुराजस्य तत्कर्म प्रेक्ष्याश्रद्धेयमद्भुतम्।।
5-43-15a
5-43-15b
सङ्क्रुद्धान्पाण्डवानेको यद्दधारास्त्रतेजसा।
तत्तस्य कर्म भूतानि सर्वाण्येवाभ्यपूजयन्।।
5-43-16a
5-43-16b
सौभद्रेण हतैः पूर्वं सोत्तरायोधिभिर्द्विपैः।
पाण्डूनां दर्शितः पन्थाः सैन्धवेन निवारितः।।
5-43-17a
5-43-17b
यतमानास्तु ते वीरा मात्स्यपाञ्चालकेकयाः।
पाण्डवाश्चान्वपद्यन्त प्रतिशेकुर्न सैन्धवम्।।
5-43-18a
5-43-18b
यो यो हि यतते भेत्तुं द्रोणानीकं तवाहितः।
तत्तमेव वरं प्राप्य सैन्धवः प्रत्यवारयत्।।
5-43-19a
5-43-19b
।। इति श्रीमन्महाभारते द्रोणपर्वणि अभमन्युवधपर्वणि
त्रयोदशदिवसयुद्धे त्रिचत्वारिंशोऽध्यायः।। 43 ।।

5-43-5 वरूथं रथवेष्टनम्।। 5-43-10 आदिश्य एष च्छिनद्मीत्युद्दिश्य।। 5-43-43 त्रिचत्वारिंशोऽध्यायः।। Template:Footer

वर्गः:महाभारतम्/द्रोणपर्व

Page is sourced from

sa.wikisource.org महाभारतम्-07-द्रोणपर्व-043